อีสานลืม

ฝากไมตรีแต้มไว้ฮอนฮ่ำยามไกลกัน
ต้อนสัมพันธ์แพงฮักมาห่อโฮมโทมถ้อน
ย้อนย้านป๋าไลถิ่มคองอีสานบ่คือเก่า
คะนิงนำทุกค่ำเซ้างายง่วมกะห่วงหา
อาหังข้า..ทองแดงขอแจกหว่าน
ผญาบ้านภาคพื้นอีสานกว้างข่วงพะลาน
สิขอมาจาต้านแนวมูนเก่าแต่คราวหลัง
มีอีหยังหลายอันมาเขยจาไขเว้า
ให้เจ้าซ่อยคะนิงถ่อน..ปูมหลังครั้งพ่อแม่
ให้ซ่อยกันเก็บเมี้ยนแหน่..ซ่อยเผยแพร่สืบไว้ให้เนาว ์ยั้งฝั่งอีสาน

 

บ่ลืม บ่ลืม บ่ลืม อิอิ

 

บ่อลืมเหมือนกันคับ

 

บ่เคยลืมบ้านเกิดเจ้าของเด้อคับ

ไปไสกะเว้าแต่ภาษาบ้านเฮา

มีแต่คนบอกว่าม่วนดี

 

มิเคยได่ไปเอบเผิอเลอจังสิลืม

 

บ่ลืม บ่ลืม กลับไปสุเดือน

 

ดีใจหลาย

อ้ายมาเห็นวาทเว้าความหลังเก่าปูมผญา
"บ้านมหา"เว็ปอีสานด้านพี่ซายได้เขียนไว้
มาดีใจนำหล่าว่ามูลมังยังคงอยู่
บ่ได้ขู๋หล่นถิ่มยังอิ่มแย้มแจ่มสนาน
อ้ายนี่หละท่านผู้ซื่อว่า"ทองแดง"
ผู้แปงสาส์นเป็นผญาที่หล่าเอามาไว้
คันอันใด๋ดีถ้วนสมควรญายได้ผายอ่าน
ขอให้ยอยกต้านเอามาไว้ใส่โต
แต่ว่า..ขอให้โสวาทีต้านขานคำไปจาบอก
คอบว่ามีคอกฮั้ว"ลิขสิทธิ์"ไว้ค่าแพง
ขอให้แจ้งอย่าข้อง..อ้ายทองแดงสิเสริมส่ง
ดำรงของฮีตบ้านอีสานนั้นให้อยู่โดน...

..ดีใจหลายที่ได้มาเห็น..เด้อครับ!
........อ้ายทองแดง............
tongdang3317@hotmail.co.th

อีสานลืม - หน้า 11 (อ่านต่อ..คลิก)